Margt skrýtið í kýrhausnum

TJA..það er nú langt síðan síðast og margt skrýtið skeð. Til dæmis skelltum við fjölskyldan okkur ásamt ættingjum á sveitaball með hinum síkátu gríslingum í Metallica. Mér skilst að þeir ætli sér að koma við í Njálsbúð á leið þeirra um suðurlandsundirlendið, gæti verið fróðlegt fyrir gallharða harmoniku aðdáendur að mæta. Annars var þetta hellings geim með stjörnuljósum, hópsöng og varðeldi og tóku þeir meðal annars slagara eins og "Fjórir fullir knapar", "Komdu inn Palli á Sandhól" og "Ríð ég henni eldingu". Og eins og þið sjáið þá er eins nauðsynlegt að sjá þetta eins og að komast í Skeiðarréttir.